Atuisunut akit ukiup affaata ingerlanerani 0,2 pct.-imik qaffariarput
Atuisunut akit 2016-imi ukiup affaata ingerlanerani, januaarimiit juulip tungaanut, 0,2 pct.-imik qaffariarput. Atuisunut akit ukiukkaartumik qaffattarnerani ukiut pingasut ingerlanerini siullermeerluni 1 pct. ataallugu qaffariarpoq.
Akitigut qaffariarfiit annertunerit pipput nioqqutissakkuutaani ukunani: Nioqqutissat allat (soorlu pullassaatit, kukkarnat mayounnaiserlu) 2,8 pct.-imik qaffalluni, Neqit (soorlu tuttu, medisteri sava ilivitsoq) 2,6 pct.-imik qaffalluni aamma Sunngiffik piorsarsimassuserlu (soorlu nunanut allanut angalanerit qarsorsallu) 1,1 pct.-imik qaffattut. Nioqqutissanissaaq ataasiakkaani akitigut appariartoqarpoq. Nioqqutissat appariarfiunerpaapput Najugarisaq -0,8 pct., Atisat kamippaallu -0,7 pct. aamma Sukkut mamakujuttullu il. il. -0,4 pct.
Nioqqutissani immikkoortuni akitigut allannguinerit assigiinngitsumik akit qaffannerannut sunniuteqarput. Nioqqutissat immikkoortut akimut sunniuteqarnerpaat ukuupput: Neqit 0,14 procentpointimik akimut naleqqersuummut sunniisoq, Sunngiffik piorsarsimassuserlu 0,10 procentpointimik akimut naleqqersuummut sunniisoq aamma Nioqqutissat allat 0,03 procentpointimik akimut naleqqersuummut sunniisoq.
Ukiup ingerlanerini akitigut ineriartorneq
2015-imi juulimiit 2016-imi juulimut atuisunut akit ukiup ataatsip ingerlanerani 0,9 pct.-imik qaffappoq. Qaffariarneq 2015 januaarimiit 2016 januaarimut appasinneruvoq, 1,2 pct. allannguutaalluni.
Atuisunut akit, qaammatini aqqaneq marlunni ingerlasuni procentinngorlugit
Akinut iluarsiissut
Akinut iluarsiissut atuisunut akip naleqqersuutaaniit qaffariarnerulaarpoq. Akinut iluarsiissut 2016 januaarimiit 2016 juulimut 0,3 pct.-imik qaffariarpoq, 0,1 procentpointimik akip naleqqersuutaanik anginerulaartumik. Assigiinngissut annerpaaq tassaavoq Nioqqutissat allat 2,8 pct.-imik qaffariartoq. Inigisaq akimigut apparnerpaavoq -0,5 pct.-imik apparluni.
2016-imi juulip aallaqqaataa sioqqullugu orsussap akiata apparnera 2016-imilu juulip aallaqqaataata kingorna akit allannguutaat
Orsussap akia 2016-imi juulip aallaqqaataa sioqqullugu atuutilersumik appartoq atuisut akiisa naleqqersuutaannut saqqummiussamut ilanngunneqarpoq. Meeqqerivinnut akigititaasut apparnerat 2016 aggustip aallaqqaataaniit atuutilersut saqqummersitami ilanngunneqanngillat, akit allannguutaat 2017 januaarimi saqqummertussami aatsaat ilanngunneqarumaarput.
Periaaseq
Atuisunut akip naleqqersuutaata ataatsimut naatsorsornerani, nioqqutissat ilaat ilaminnit naatsorsuinermi naleqqersuutaat qaffasinnerusarpoq. Nioqqutissat assigiinngitsut akiisa ineriartornerat, allatut oqaatigalugu soorlu issingiassat aaqqatillu naleqarnerisa pingaassusiat assigiinneq ajortoq. Nioqqutissat ataasiakkaat naleqqersornerat atuisunullu akip naleqqersuutaata naatsorsornera nittartagaq www.stat.gl iserfigalugu paasisaqarfigiuk.
Akit pillugit kisitsisit atorlugit nassuiaasiaq pdf-fiilitut Kalaallit Nunaanni Naatsorsueqqissaartarfiup nittartagaani paasisassarsiorfigineqarsinnaavoq, taamatuttaaq kisitsisaataasivik http://bank.stat.gl iserfigalugu. Annertunerusumik ujartuisoqassaguni Naatsorsueqqissaartarfiup pisortaa Anders Blaabjerg abla@stat.gl saaffigineqarsinnaavoq imaluunniit oqarasuaat (toqqaannartoq) 34 57 81 saaffigalugu.